Ipate Simu Yako ya Android Kupitia Google Search

0

Sambaza

Google wamewezesha utafuta mraisi wa simu yako kupitia mtandao wao wa utafutaji wa Google Search, yaani Google.com.

Kama utakuwa umeunganisha simu yako ya Android na akaunti yako ya Google/Gmail basi usihofu utaweza kujua mtaa/mahali ilipo hii ikiwa ni pamoja na kuipigia au ‘kubipu’ kwa urahisi kupitia kwenye kompyuta au tableti yako.

Ukienda eneo la utafutaji yaani Search, andika ‘Find my phone’, hiki ni kiingereza cha kumaanisha unaiambia Google ikutafutie simu yako. Ukiandika na kubofya pa kutafuta katika matokeo ya utafutaji eneo la juu utaona muonekano kama huu hapa chini.

Muonekano baada ya kuandika na kutafuta 'Find My Phone' kupitia Google.com

Muonekano baada ya kuandika na kutafuta ‘Find My Phone’ kupitia Google.com

Hakikisha ume ‘log in’ kwenye Google, kwani kama hujafanya hivyo watakutaka ufanye hivyo. Kama una simu zaidi ya moja za Android zinazotumia akaunti yako ya Gmail basi watakutaka uchague simu kupitie eneo wanalokuonesha aina za simu. (Angalia picha hiyo juu).

SOMA PIA:  WiFi4U: Umoja wa Ulaya kutoa Intaneti ya Wi-Fi bure kwa maelfu ya miji nchi wanachama

Kama umewezesha chaguo la ‘Location’ kwenye simu yako basi pia utaweza kuona kupitia ramani ya Google Maps mahali simu hiyo ilipo. Hii inaweza ikawa ni mtaa na kama ukiangalia kwa undani unaweza kuona hadi jengo husika simu hiyo ilipo. Lakini kikubwa zaidi ni kwamba utaweza kujibipu, yaani kuipigia simu hiyo kwa kubofya eneo la ‘Ring’.FindMyPhone_1024x512 (1)

Huu ni muendelezo wa hatua wanazozifanya katika kurahisisha wewe kupata simu yako pale unapokuwa uioni ikiwa ni sababu umesahau ulipoiweka au kuna mtu ameificha au kuiiba. Kwa uwezo mkubwa zaidi kama vile kufuta data za simu ilyoibwa na ata kuifunga (yaani ‘lock’) itabidi utumia mtandao wa wao wa Android Device Manager. Muwezesho huu wa kutafuta simu yako kupitia Google Search ni kama maboresho zaidi kwani ndiyo sehemu ya kiurahisi zaidi kulinganisha na mwanzo ambapo ingekubidi ufungue mtandao wa Android Device Manager.

SOMA PIA:  Sasa unaweza kuagiza chakula Facebook.

Kumbuka kusambaza makali uzipendazo kutoka TeknoKona kwa ndugu na marafiki! Endelea kutembelea mtandao namba moja wa habari za teknolojia Tanzania!

Facebook Comments

ZINAZOHUSIANA

Sambaza
airtel hatupimi bando
Share.

About Author

Tunaandika kuhusu sayansi na teknolojia kwa kutumia lugha ya Kiswahili. - Stephen, Mwanzilishi wa TeknokonaDotCom | mhariri@teknokona.com |

Leave A Reply

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com