Hivi karibuni tuliandika kuhusu WhatsApp kutuma data za watumiaji wake kwenda mtandao wa Facebook.
Soma Pia – WhatsApp kutuma data kuhusu utumiaji wako kwenda Facebook
Kama sehemu ya kutokwenda nje ya sheria WhatsApp wanakupa uwezo wa kukataa suala hilo ndani ya siku 30.
Inakuwaje?
Kama bado haujapata ombi la kukubali mkataba (Terms and Privacy Policy) mpya kutoka WhatsApp basi unaweza pata muda wowote.
Ingawa hakuna eneo la kukataa makubaliano hayo ila kuna kanjia karefu ambacho WhatsApp wanajua wengi hawatafuata ili kuwawezesha kukataa utoaji wa taarifa zao za utumiaji wa WhatsApp kwenda Facebook.
Hatua za kufuata
Hapa chini ni muonekano wa mkataba huo wa Terms and Privacy Policy unavyoonekana pale unapokujia kwenye app ya WhatsApp.
Usibofye eneo la kukubali ‘AGREE’, bali bofya eneo la chini la “Read more about the key updates to our Terms and Privacy Policy.” , ukibofya hapo maelezo zaidi yatafunguka na pia kuna eneo utaliona lishapigwa vyema (tick) likiruhusu WhatsApp kutuma data zako kwenda Facebook. Ondoa tiki (vema) halo na kisha kubali.
Kama ulishakosea na kukubali mkataba huu bila ya kuondoa hili basi unaweza kusahihisha kwa kutembelea eneo la settings – Account Menu, baada ya hapo ondoa ‘vyema’ kwenye enero la Share my account info.
Soma Pia – WhatsApp kutuma data kuhusu utumiaji wako kwenda Facebook
Vipi je wewe una mtazamo gani na mabadiliko haya yaliyoletwa na WhatsApp? Je unaona ni sawa kuwapatia data zako ili wazitumie kwa ajili ya kuboresha matangazo yao hasa hasa katika mtandao wa Facebook?
Other Articles
Kijana mmoja anasa kwenye choo akijaribu kuokoa simu janja
Google waleta Solitaire na Tic Tac Toe katika ukurasa wake.
