Airtel Care – App inayorahisisha huduma mbalimbali kwa wateja wa Airtel

Watumiaji wengi siku hizi wanatumia simu za kisasa na hivyo hukamilisha mambo mengi kupitia apps na hapa ndio umuhimu kwa mitandao ya simu kuwa na app ya kusaidia wateja wao kukamilisha mambo mbalimbali unakuja. Airtel wana app ya Airtel Care.

Airtel Care ni app ambayo itakusaidia kukamilisha mambo mbalimbali bila uhitaji wa kutumia njia ndefu na ya kusubiri subiri ya kutumia zile namba spesheli kwa ajili ya ununuaji vifurushi n.k.

• Unaweza kuona vifurushi mbalimbali na kujiunga moja kwa moja kupitia app hii. Pia app itakuwa inatumia njia ya ‘notifications’ kukukumbusha pale kifurushi chako kinakaribia kuisha au kufikia muda wake wa mwisho kutumika.
• Unaweza kutuma muda wa maongezi kwa mtumiaji mwingine wa Airtel
• Pia huduma za Airtel Money pia zinapatikana ndani yake
• Kingine ni uwezo wa kujiunga na kusitisha huduma mbalimbali za ziada ambazo umejiunga nazo.
• Pia unaweza pata huduma kwa wateja kupitia kitengo chao moja kwa moja kupitia app hii.

Haya ni machache tuu niliyoweza kuyataja baada ya kutumia app hii kwa muda wa wiki kadhaa ila vitu vinavyoweza fanyika kwa kutumia app hii ni vingi tuu kwa wateja wa aina zote: wale wa malipo baada na malipo kabla.

Kwa ufupi zaidi app hii ni app inayokuletea huduma za ‘customer care’ mikononi mwako kwa urahisi zaidi na pia inaweza kukusaidia kuacha kukariri namba fupi (code) nyingi za huduma mbalimbali kama vile za kujiunga vifurushi na kadhalika.

App hii inapatikana kwa watumiaji wa aina zote, wa Android – Google Play Store na wale wa iPhone kupitia AppStore