Waziri Mkuu wa Tanzania, Mhe. Kassim Majaliwa amewaonya watu waliopewa dhamana ya kusimamia mifumo ya TEHAMA serikalini kutowakwaza Watanzania kwa kisingizio kuwa mitandao haiko vizuri.
Akizungumza katika uzinduzi wa mifumo ya Tehama serikalini jijini Dodoma, Majaliwa aliwaagiza watendaji, wakuu wa taasisi za umma, wataalamu kusimamia mifumo hiyo vyema ili iweze kutoa tija kwa watanzania.
Mifumo hii isitumike kukwamisha watu, shughuli za serikali kwa sababu ni teknolojia, wasiwakwaze wananchi kwa kuwaambia kwamba mtandao umeshuka~Mhe. Kassim Majaliwa. Aliwataka wananchi kutumia mifumo hiyo kwa sababu haina urasimu na wala hawatadaiwa rushwa katika utoaji wa huduma.
Dunia ya leo katika ulimwengu wa teknolojia.
Wakati huo huo, Naibu Waziri wa Ujenzi, Uchukuzi na Mawasiliano, Mhe. Atashasta Ndetiye alisema kwa kushirikiana na wadau wanakamilisha uandaaji wa Mkakati wa Taifa wa Usalama wa Mtandao wa mwaka 2018.
Sambamba na uzinduzi huo mifumo ambayo ilizinduliwa rasmi ni mfumo wa malipo wa serikali, usajili wa vizazi na vifo, taarifa za kitabibu, taarifa za ununuzi, kumbukumbu za kieletroniki, ofisi mtandao, barua pepe serikalini na vibali vya kusafiria.
Timu ya uandishi wa Kona ya Teknolojia ingefurahi kupata sapoti yako ili iendelee kukuletea habari na maujanja mbalimbali.
Wezesha bando kwa kutuma kiasi chochote kupitia Selcom, kwenye simu yako bofya *150*50*1# kwenye namba ya malipo weka 60751369 jina litakuja TEKNOKONA.
