Huawei Wazalisha Simu Chache Zenye Chata La KFC Huko China!

0
Sambaza

Kampuni ya Huawei ni moja kati ya makampuni makubwa sana duniani katika uzalishaji na uuzaji wa simu. Hivi karibuni kampuni hiyo imezalisha simu zake ambazo zinachata (logo) ya KFC.

Dhumuni kubwa la kuzalisha simu hizi ni kusheherekea maadhimisho ya miaka 30 ya huduma chakula cha haraka huko china.

Moja Ya Mgahawa Wa KFC Huko China

Huawei sio wa kwanza kutoa simu za muda kulingana na kitu fulani mara nyingi kampuni ya simu ya Samsung na yenyewe imeonekana ikifanya hivyo.

Kwa mfano kampuni ya Samsung ilitoa matoleo kama yale ya Samsung Galaxy S8 toleo la Pirates of the Caribbean , the Samsung Galaxy S7 toleo la Edge Injustice na Samsung Galaxy S6 Edge toleo la  Iron Man.

SImu Ya Huawei Enjoy 7 Plus — Toleo La KFC

Kwa Huawei hili ndio toleo lake la kwanza ambalo linabeba dhima ya kipekee kama matoleo hayo ya Samsung yalivyo.

KFC ilianzishwa miaka 30 iliyopta huko china, Mpaka sasa KFC ndio mgahawa mkubwa kuliko yote huko China ukiwa umeenea zaidi ya maeneo 5,000.

SOMA PIA:  Betri la simu lenye kizima moto ('fire extinguisher') ndani yake latengenezwa

SIFA ZAKE
Jina la simu ni Huawei Enjoy 7 Plus toleo la KFC

Kioo chake ni Inchi 5.5  720p

Kamera ya MP 12

Prosesa ya Qualcomm Snapdragon 435

RAM GB 3

Ujazo wa uhifadhi GB 32

SImu Ya Huawei Enjoy 7 Plus — Toleo La KFC

Kampuni ya Huawei imetengeneza simu hizo 5000 tuu na simu hiyo ikinunuliwa inakuja na vitu kibao ndani ya App ya KFC.

Ni vigumu sana kuona simu hii imetoka nje ya China kwani imezalishwa kwa unit ndogo sana na dhima kubwa ya kutengenezwa ni kusheherekea miaka 30 ya chakula cha haraka. Lakini pengine inaweza ikaonekana katika masoko ya mtandaoni kama vile ebay na Amazon.

SOMA PIA:  Google kufanya masasisho ya kwenye apps zake kuongeza usalama

Ningependa kusikia kutoka kwako, niambie hii umeipokeaje? je wewe binafsi unapenda simu kuleta matoleo ya aina yake kulingana na mambo ambayo yanatokea? niandikie hapo chini sehemu ya comment.

Kumbuka Kutembelea TeknoKona Kila Siku Kwa Kuwa Daima Tupo Nawe Katika Teknolojia!.

Facebook Comments

ZINAZOHUSIANA

Sambaza
Share.

About Author

Mhariri Wa Teknokona Na Mmoja Kati Ya Wafuasi Wa Teknolojia! Tuikuze TeknoKona Wote Basi. Ningependa Kusikia Kutoka Kwako Nitumie Barua Pepe hash@teknokona.com

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com