Ijue tofauti ya 32-Bit na 64-Bit katika kompyuta yako

0

tecno phantom 8

Sambaza

Kuna mambo mengi ya kuzingatia wakati ununuzi wa Kompyuta mpya. Lakini wengi wetu tunapotaka kununua Kompyuta yapo tunayoyazingatia. Zaidi huwa tunaangalia ukubwa wa RAM,
Hard disk, CPU, GPU na kadhalika.

Lakini linapokuja sula la kuchagua kati ya 32-Bit au 64-Bit, hapa huwa hatujali sana vyovyote itakavyokuwa kwetu ni sawa tu. Aidha iwe na Prosesa yenye 32-Bit au 64-Bit.

Wengi hatuzingatii hapo kwa kuwa hatujui nini maana ya kuwa na 32-Bit au 64-Bit. lakini wengine wamekuwa na swali la kujiuliza nini tofauti ya 32-bit na 64-Bit.

airtel ofa kabambe

TOFAUTI YA 32-BIT NA 64-BIT

TOFAUTI YA 32-BIT NA 64-BIT: Jinsi ya Kuangalia

Kwa watumiaji wa Windows wanaponunua programu au game mara nyingi huona chaguo kati ya
32-Bit au 64-Bit.

SOMA PIA:  Utaweza Kubackup Kompyuta Nzima kupitia Google Drive

Lakini ni nini tofauti kati ya  32-Bit au 64-Bit?

Mfano rahisi sana ambao kila mmoja anaweza kuuelewa ni kwamba 32-Bit au 64-Bit, ni sawa na barabara yenye njia mbili(32-Bit) na nyingine ina njia nne(64-Bit).

Kwa kawaida barabara yenye njia nne itapitisha magari haraka kuliko yenye njia mbili. Tofauti yake ni hiyo japo ufanyaji kazi wake wa kila kitu utakuwa sawa.

Tofauti nyingine ya kutumia Kompyuta yenye 64-Bit inaonekana wazi pale unapohitaji kuweka RAM kubwa zaidi. Kwa kawaida mfumo wa 64-bit unaweza kuweka RAM zaidi ya 4GB na kuendelea kuliko 32-Bit ambao mwisho wa kiwango cha utumiaji wa RAM ni 4GB.

Pamoja na tofauti hiyo Kompyuta yenye Prosesa ya 64-Bit inaweza kutumia mfumo endeshi wenye 64-Bit au 32-bit. Hata hivyo mfumo endeshi wa 32-Bit kwenye Prosesa ya 64-Bit utafanya kazi lakini si kwa
uwezo wake kamili – haishauriwi.

SOMA PIA:  Namna ya kurudisha picha/video ulizovifuta kwenye simu za Android/iOS #Maujanja

Kama matumizi yako ni ya kawaida tu katika Kompyuta yaani hufanyi kazi nzito kama Video Editing na 3D graphics, wala huchezi game hutagundua tofauti yoyote kati ya 32-Bit na 64-Bit.

Kwa hiyo ni dhahiri  kuwa processor 64-bit ina uwezo wa kufanya kazi kwa ufanisi zaidi kuliko 32-bit.

TOFAUTI YA 32-BIT NA 64-BIT

Ushauri unapotaka kuweka Windows yoyote katika Kompyuta yako ni vizuri kujua Prosesa yake ni ipi kati ya 32-Bit au 64-Bit. Kwani Windows nayo huja na aina mbili za matoleo yake ima la 32-Bit au 64-bit. Lakini habari nzuri ni kwamba laptop nyingi sana za kisasa siku hizi zinatengenezwa katika uwezo wa 64-bit hivyo unaweza kuweka toleo la Windows lolote kulingana na utumiaji wako.

SOMA PIA:  Betri za simu: Jinsi betri zinavyofanya kazi na kwanini nyingine hulipuka?

Pengine baada ya maelezo hayo ungependa kujua Kompyuta yako ni 32-Bit au 64-Bit. Ili kujua hilo nenda katika Run kisha andika msinfo32 halafu bonyeza ok utakuja ukurasa ambao utakuonesha maelezo yote kuhusiana na Kompyuta yako.

  • Angalia palipoandikwa System type. Utaona pameandikwa X86-based PC au X64-based PC.
  • Cha kuzingatia ukiona system type ina X86 fahamu hiyo 32 bit prosesa
  • Na ukiona system type ni X64 basi fahamu hiyo 64-Bit prosesa.

Baada ya somo hilo kama una maoni yoyote kuhusiana na somo hilo tuandikie hapo chini.

Facebook Comments

ZINAZOHUSIANA

Sambaza
Share.

About Author

Ni mpenzi na mfuatiliaji wa mambo ya Sayansi na Teknolojia.

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com