iPhone SE: Simu ya ‘bei nafuu’ zaidi Kutolewa na Apple?

1
Sambaza

Apple wametambulisha simu yao mpya ya iPhone SE, ambayo imepata sifa ya kuitwa simu ya bei nafuu zaidi kuwahi kutolewa na Apple. Nafuu???? Si wote watakubali… 😀

Katika utambulisho wa simu hiyo uliofanyika jana nchini Marekani toleo la simu ya iPhone SE linalenga kuzidi kuongeza mauzo ya simu za iPhone katika masoko ya nchi zinazoendelea na ata zile zilizoendelea ambazo watumiaji flani wanaona matoleo kama iPhone 6S na iPhone 6S Plus ni ghali sana.

Pia inasemekana uamuzi wa iPhone kuanza nao kutoa simu zenye maumbo makubwa kama vile kwa Samsung kuliwaaudhi baadhi ya wateja wao wasiopenda simu zenye maumbo makubwa.

iPhone SE

Inasemekana SE kwenye iPhone SE inasimama kwa ‘Special Edition’, yaani toleo maalumu.

Bei?

Simu ya iPhone SE itaanza kupatikana kwa dola 399 za marekani (Tsh 875,000/= | Kes 40,500/=) kwa toleo la GB 16 na huku la GB 64 litapatikana kwa dola 499.

Sifa za iPhone SE

iPhone SE

  • Ina teknolojia za 2G, 3G na LTE – WiFi
  • Chipi ya A9 – 64Bit
  • Ukubwa wa inchi 4
  • Kamera ya Megapixel 12 (f/2.2, 29mm, autofocus, dual-LED (dual tone) flash)
  • Inasemekana ndani yake ina RAM ya GB 2
SOMA PIA:  Zima "Automatic updates" kwenye simu yako

Kwa kifupi iPhone SE ni simu janja yenye umbo dogo ila yenye uwezo mkubwa sana. Suala la bei bado wengi wanaona ingawa ni bei ya chini ukilinganisha na matoleo mengine ila bado ipo juu – ‘ila ndio hivyo tena, kitu tayari kinaitwa iPhone’, lazima bei iwe ghaghariiii a.k.a Ndi Ndi Ndi 🙂  😀

iPhone SE kushoto ikiwa pamoja na iPhone 6S, 6S Plus, 6 na 6 Plus

iPhone SE kushoto zikiwa pamoja na iPhone 6S, 6S Plus, 6 na 6 Plus

Inasemekana watu wengi hasa katika nchi zinazoendelea kama Tanzania, India n.k waliokuwa wanatamani kumiliki simu mpya kabisa ya iPhone wataweza kufanya hilo kwa mara ya kwanza. Kwani ingawa ina umbo dogo, bado ni simu inayovutia na inayopatikana kwenye bei iliyo chini ukilinganisha na matoleo mengine.

SOMA PIA:  Mwanzilishi mwenza wa Apple aamua kuikacha iPhone X

Simu hii itaanza kupatikana kuanzia mwisho wa mwezi wa tatu mwaka huu. Tuambia mtazamo wako juu ya ujio wa iPhone SE kupitia eneo la comment.

Picha na PocketNow na Techradar

Facebook Comments

ZINAZOHUSIANA

Sambaza
Share.

About Author

Tunaandika kuhusu sayansi na teknolojia kwa kutumia lugha ya Kiswahili. - Stephen, Mwanzilishi wa TeknokonaDotCom | mhariri@teknokona.com |

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com