Microsoft yalipa faini ya $10,000 kutokana na kulazimisha Windows 10!

1
Sambaza

Microsoft walazimika kumlipa mwanamke mmoja faini ya $10,000 (zaidi ya Tsh milioni 20) baada ya kompyuta yake ku-upgrade kwenda Windows 10 bila mapenzi yake – na kibaya zaidi kompyuta hiyo kuanza kuzingua baada ya hapo.

Microsoft yalipa $10,000 baada ya kushindwa kuinstall kwenye kompyuta ya mwanamama mmoja huko California-Marekani

Microsoft yalipa $10,000 baada ya kushindwa kuupgrade kwenye kompyuta ya mwanamama mmoja huko California-Marekani

Mahakama iliamuru kulipwa fedha hizo baada ya mwanamke huyo kushinda kesi, ingawa Microsoft walipanga kukuta rufaa ila waliamua kulipa kiasi hicho ili kuepusha gharama zaidi ambazo wangeendelea kuzipata kama wangeendelea na shughuli za kimahakama zaidi kwa kufungua rufaa.

Muonekano Wa Windows 10

Muonekano Wa Windows 10

Mwanamke huyo kutoka jiji la California nchini Marekani alisema hakuwahi ata kusikia kuhusu Windows 10 ila ghafla alipokuwa anafanya masasisho ya kawaida (updates) kompyuta yake iliyokuwa na Windows 7 ilisasisha (upgrade) OS yake kwenda Windows 10. Kompyuta hiyo anayoitumia kwa shughuli za kiofisi ilianza kufanya kazi vibaya sana na ata kuathiri shughuli zake na ndipo alipoamua kuchukua hatua ya kuwashitaki Microsoft.

SOMA PIA:  Uraibu wa kutumia kompyuta: Serikali ya Korea Kusini yapata suluhisho

Tangu mwezi Machi watumiaji wa programu endeshaji ijulikananayo kama Windows 7 na nyinginezo wamekuwa wakilalamika kuwa kompyuta zao zimekuwa zikiupgrade kwenda 10 Windows bila idhini ya mtumiaji kuruhusu/kukataa mpango huo. Hali hiyo imekuwa ikileta ghadhabu kwa watumiaji wa Windows.

Awali ilikuwa ni chaguo la mtumiaji kufanya maboresho(upgrade) kwenda Windows 10 lakini kwa miezi kadhaa sasa Microsoft wamefanya Windows 10 kuwa muhimu (recommended) kutumika kwenye kompyuta.

Tayari Microsoft wamesema wanachukua hatua zaidi kuepusha jambo la ‘upgrade’ kutokea bila chaguo la mtumiaji

SOMA PIA:  Marekani: Kirusi cha WannaCry kimetoka Korea Kaskazini

Hivi sasa ni bure ku-uprade kuweka Windows 10 mpaka Julai 29 na baada ya hapo mtumiaji itamgharimu kununua programu hiyo endeshaji kwenye kompyuta yake.

Je, unadhani faini hii ilikuwa na ulazima? Tuambie kwenye comment hapo chini. Kila leo Teknokona inazidi kukuhabarisha.

Chanzo: theguardian, betanews

Facebook Comments

ZINAZOHUSIANA

Sambaza
Share.

About Author

Ni Mhariri Msaidizi na mtaalamu wa mambo yanayohusu kompyuta. Pia ni mmoja wa wafuasi wakubwa katika teknolojia; Dunia ya sasa inaendeshwa kwa teknolojia. Wasiliana nami kupitia |ericmato@teknokona.com|

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com