Mwalimu wa ICT anayefundisha Microsoft Word bila Kompyuta!

0
Sambaza

Mwalimu mmoja wa somo la ICT (Information and Communication Technology) nchini Ghana ametambuliwa katika ulimwengu kwa madhira anayopata katika ufundishaji wa somo hilo la mambo ya elimu ya kompyuta kwa wanafunzi wake.

Kwa kawaida somo hilo hufundishwa kwa nadharia na vitendo ambapo vitendo ni lazima kuwepo na Kompyuta ili wanafunzi waelewe kinachofundishwa. Mwalimu Richard Appiah Akoto anafundisha programu ya Microsoft Word kwa kulazimika kuchora ubaoni na kutumia chaki za rangi tofauti ili somo lake lipate kueleweka kwa wanafunzi.

Mwalimu Akoto akiwa katika mkutano wa Microsoft kuhusu utoaji wa elimu.

Shule hiyo iliyo na miaka 14 tangu kuanzishwa kwake haijawahi kuwa na kompyuta ya aina yoyote shuleni hapo. Wanafunzi wake wanatarajia kufanya mtihani wa taifa na moja ya mtihani utakaowafanya kufaulu kwenda elimu ya sekondari ni wa ICT ambapo kama watafeli hawataruhusiwa kujiunga na sekondari.

SOMA PIA:  Ondoa tatizo la mafaili katika flashi kuonekana kama Shortcut

go Mwalimu Akoto alituma picha zake mwenyewe katika akaunti yake ya Facebook akionesha anavyojaribu kuelezea Kompyuta licha ya kutokuwa na Kompyuta halisi. Akoto anasema sio mara ya kwanza kufundisha Microsoft Word kwa kuchora ubaoni, amekuwa akifanya hivyo tangu alivyoanza kufundisha shuleni hapo.

Mwalimu Akoto akichora muonekano wa ukurasa wa Microsoft Word ubaoni.

Akoto ana kompyuta yake binafsi lakini haitumii kufundisha katika darasa kwa sababu anahitaji kuwa na kompyutaza mezani (Desktop) ambapo atawaelekeza namna ya kuunganisha kifaa kimoja baada ya kingine mfano Mouse, Keyboard, Monitor, n.k kama mtaala wasomo husika unavyoeleza.

Msaada wa kompyuta pamoja na vitabu vya komyuta kwa shule anayofundisha mwalimu Akoto.

Kwa ulimwengu wa sasa somo la ICT ni muhimu kufundishwa mashuleni lakini changamoto kubwa kwa shule nyingi barani Afrika ni kutokuwa na kompyuta za kufundishia wanafunzi.

Facebook Comments

ZINAZOHUSIANA

Sambaza
Share.

About Author

Ni mpenzi na mfuatiliaji wa mambo ya Sayansi na Teknolojia.

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com