R.I.P Internet Explorer : Kivinjari Kipya cha Windows Kinakuja

0
Sambaza

Je unakumbuka tulichoandika katika mambo yanayokuja na Windows 10?Tulitaja mwisho wa kivinjari (browser) cha Internet Explorer (IE) kinachomilikiwa na kampuni ya Microsoft na ambacho kimekuwa kinakuja kikiwa kishawekwa kwenye kompyuta/laptop zote zinazotumia programu endeshaji za Windows.

Kampuni ya Microsoft imeeleza wazi kwa sasa ya kwamba kivinjari hicho kitabadilishwa na kivinjari kipya ambacho kinatambulika kwa jina la Spartan.vesqq

chrome-firefox-IE

IE imekuwa ikitaniwa kwa muda mrefu sana huku ikilinganishwa na Chrome na Firefox

Kwa muda mrefu programu ya IE ilikuwa ikimilika asilimia kubwa zaidi ya utumiaji lakini kuja kwa Firefox na baadae kivinjari kutoka Google cha Chrome vilileta ushindani mkubwa kiasi cha kufanya IE kuonekana kama programu ya kizamani zaidi ambayo haijaendana na wakati.

SOMA PIA:  Mtandao wa Wikipedia wafungiwa nchini Uturuki

IE ilishika umaarufu na kuchukua sifa ya kuwa programu moja muhimu katika masuala ya intaneti tokea miaka ya 1990. Ubora wake enzi hizo uliifanya kuwa ndiyo moja programu muhimu zaidi katika kuwawezesha watu kutumia intaneti.

Kufahamu kwa undani kuhusu toleo la Windows 10 na kivinjari kipya cha Spartan bofya -> Windows 10 Itapatikana ‘bure’ Kwa Mwaka Mmoja! 

StatCounter-browser-ww-yearly-2010-2015

Utumiaji wa IE umezidi kushuka kwa kasi mwaka hadi mwaka!

Je Spartan itafanikiwa kupunguza kasi za vivinjari vya Firefox na Chrome katika utumiaji? Kwa mtazamo wetu hili linategemea kwani upendeleo mkubwa ambayo Spartan itapata ni kuweka tayari kwenye kompyuta nyingi za toleo lijalo la Windows. Kama itakuwa bora na nzuri zaidi basi wengi wanaweza kujikuta wakiendelea kuitumia bila kushusha vivinjari vingine, lakini je Spartan itakuwa bora zaidi? Muda utatuambia.

Facebook Comments

ZINAZOHUSIANA

Sambaza
Share.

About Author

Tunaandika kuhusu sayansi na teknolojia kwa kutumia lugha ya Kiswahili. - Stephen, Mwanzilishi wa TeknokonaDotCom | mhariri@teknokona.com |

Leave A Reply

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com