Kama ni mtumiaji mzuri wa Snapchat, utakuwa unajua kwamba kuna kitu kinaitwa ‘GeoFilters’ yaani ni zile ‘Filter’ zinazotokea ukiwa katika eneo Fulani mfano Dar es salaam (bongo land), Sinza n.k.
Hivi sasa wameona haitoshi wameamua kuja na filter maalumu kwa ajili ya stika maarufu kama ‘GeoStickers‘. Yaani hapa stika ndio zitakua zinatambulisha eneo. Kwa mfano hebu fikiria labda ukiwa katika maeneo ya posta (Dar es salaam) unaweza ukatumia stika la lile sanamu la askari? – fikiria tuu! – itakua ni poa sio?.
Hiyo ndio dhima kubwa ya ‘Geostickers’, japokuwa mpaka sasa bado maboresho haya yanapatikana katika baadhi ya miji maarufu sana duniani kama vile Los Angeles, San Francisco, New York City, Washington DC, Honolulu, Paris, London, São Paulo, Sydney na Riyadh.
Kama ‘Filter’ zingine zilivyoenea kwa haraka katika nchi na miji mingine duniani, na hizi wembe ni ule ule. Tukae mkao wa kula katika nchi na miji yetu kuweza kupata uwezo huu.
Japokua kwa sasa zinapatikana katika miji michache ili kuzitumia katika miji hiyo inabidi katika settings za simu mtu awe amewasha eneo (Location) ndio ataweza kutumia.
Hizi unaweza pia ukazituma katika meseji au ukaziweka sambamba na snap yako na ukatuma katika stori zako.
Toleo hili limetolewa na Snapchat hapa
Tukae mikao ya kula ili hii itufikie katika miji yetu. Ningependa kusikia kutoka kwako, niandikie hapo chini sehemu ya comment hii umeipokea vipi?
Tembelea TeknoKona kila siku ili kuwa karibu na habari na maujanja mbali mbali yanayohusu teknolojia. Kumbuka TeknoKona Daima Tupo Nawe Katika Teknolojia!.
Other Articles
Basi linalopita juu ya magari lafanyiwa majaribio China.
iOS10: kuja na mabadiliko kadhaa! #Apple #iOS
