Mambo ya Kufanya Pale Simu au Tableti Yako Ikilowa au Kuingia Kwenye Maji

0
Sambaza

Ulikuwa umeishika vibaya na ikakuponyoka na kuangukia kwenye beseni..au kwenye dimbwi la maji… au kwenye sehemu ya kuogelewa (Pool).. Hizo ni baadhi tuu ya maeneo ambayo yanaweza sababisha simu au tableti yako kukutana na maji. Jambo ambalo linaweza sababisha kufa kwa kifaa chako cha bei nono!

Mara nyingi jambo la kwanza atakalofanya mtu ni kuhangaika kufuta maji hayo mara moja…. iwe kwa kutumia nguo yake, au chochote kile cha karibu. Ila je ni sahihi? HAPANA!

Hatua ya 1:

Itoe mara moja kwenye maji. Inavyozidi kukaa kwenye maji muda mrefo ndivyo uwezekano wa kupona katika janga hili unakuwa mdogo zaidi. Imedondoka kwenye choo? Hapo itakubidi ufanye maamuzi ya haraka kama utaichomoa haraka au uisahau kabisa. Utafanya nini?

airtel tanzania bando

Hatua ya 2:

Bila kupoteza muda izime mara moja! Na kama ni simu yenye eneo la kutoa betri basi usitumie switchi yake kuzimia, bali toa betri mara moja. USIJARIBU KUBONYEZA KINGINE CHOCHOTE, ONDOA BETRI. Na kama ni tableti au simu za iPhone ambazo hazina sehemu za kutolea betri bofya eneo la kuzimia mara moja.

LENGO: Ni kuzima simu au tableti hiyo kabla hakujatokea shoti ya aina yeyote, kama simu imeingia maji alafu ukaifuta na kuanza kujaribu kuichezea kwa kubofya unaweza sababisha shoti inayoweza ikaiua simu yako mara moja.

SOMA PIA:  Namna ya kubadili folda lako kuwa la rangi uitakayo katika Windows! #Maujanja

Hatua ya 3:

Ifute taratibu. Kwa kutumia kitu kama taulo lililo kavu, angalia kwa ukaribu maeneo kama vile ya kuweka waya wa ‘earphones’, hakukisha pameacha kutoa maji. Puliza maeneo ya matundu kuhakikisha maji yameisha kabisa ndani. Pia toa vitu kama vile kadi ya laini, memori kadi na betri, kava, vikaushe pia.

Usitumie njia za ajabu kama vile kuiweka kwenye oveni ili kuikausha…joto la oveni ni kali sana utaua simu yako.  🙂

Hatua ya 4:

Njia A: Unavijua vipakti flani hivi vidogo vinakuwaga kwenye viatu vipya?  Vinaitwa “silica gel packets”, ndani yake inavidonge vidogo vya Silica. Kama unavyo au unaweza kuvipata basi chukua mfuko wa plastiki unaoweza kuufunga kuzuia hewa, weka simu yako na vipakti hivyo katika mfuko huo kisha ufunge.

Vimfuko vyenye silica!

Vimfuko vyenye silica!

Vidonge hivi vinasifa ya kunyonya unyevu nyevu, kuweka sehemu moja na kuvifungia na simu yako kutahakikisha unyevu nyevu uliopo kwenye simu yako kunyonywa na vidonge hivyo.

Njia B: Kama njia A haiwezekani basi fuata njia hii, zungushia simu yako kwenye tishu (Toilet Paper/Napkins) kisha iweke kwenye chombo ulichoweka mchele wa kutosha kuifunika kabisa. Mchele unasifa ya kunyonya unyevunyevu kama vile kwenye njia A. Unazungushia tishu ili kuondoa uwezekano wa simu yako kuingiwa na vumbi la mchele.

Unaweza ukaweka kwenye mchele bila kuweka kuweka tishu. Hakikisha unaifunika simu yako kabisa.

Unaweza ukaweka kwenye mchele bila kuweka kuweka tishu. Hakikisha unaifunika simu yako kabisa.

Ila njia A, ndiyo bora zaidi katika hizi mbili. Ile inawahisha kukauka kwa haraka zaidi ukilinganisha na njia ya kutumia mchele. Kama hauna vidonge hivi basi hakikisha kuanzia sasa wewe au jirani/rafiki yako akinunua viatu vipya tuu uchukue na huifadhi vidonge hivi kwani uwezi kujua lini unaweza kuviitaji. Na kumbuka huwa pia unaweza kuvikuta katika bidhaa nyingine mpya, kama vile nguo au ata vitu vya kielektroniki, kuanzia sasa ukivipata vihifadhi katika mfuko au chombo cha plastiki kisichoruhusu hewa kabisa.

SOMA PIA:  Zima "Automatic updates" kwenye simu yako

Hatua ya 5:

Baada ya kufanya tulichoongelea katika hatua ya 4 itakubidi usibiri takribani masaa 32 hadi 72, hapa kipimo ni chako wewe. Kama ililowa kidogo tuu basi masaa 32 yatatosha kabisa, ila kama ililowa sana, basi hakikisha ikae masaa 72. TUNAJUA UTAKUWA UNAHAMU YA KUIWASHA AU KUITOA KABLA, ILA KUMBUKA NI MUHIMU IKAUKE NDANI KABISA, Hivyo vumilia.

Hatua ya 6:

Tunajua baada ya hatua hizo zote utakuwa unasubiria kwa hamu kuiwasha tena. Hadi sasa itakuwa imekauka vizuri ndani, ukiiwasha tunategemea itawaka bila tatizo lolote kama ulifuata hatua zote kwa usahihi.

SOMA PIA:  Namna ya kuweka Play Store katika simu zenye mfumo wa kichina

MAMBO MUHIMU YA KUFAHAMU

  • Njia hii inategemea bahati na uharaka wako katika kuondoa simu na kuizima baada ya kuwa katika maji. Kitu muhimu na kuweza kuzima simu au tableti hiyo kabla shoti haijatokea ndani yake
  • Ata kama itawaka vizuri na kuweza kufanya kazi kama kawaida kuna uwezekano mkubwa sana simu hiyo kuanza kutofanya kazi vizuri baada ya kipindi kirefu kama vile mwaka mmoja hivi kutokana na madhara ya kuingiwa na maji. Kuna vitu ndani yake huwa havitakiwi kukutana na maji kabisa. Hivyo ata kama itawaka na kuanza kufanya kazi kama kawaida anza kujiandaa kununua simu nyingine.
  • Kama simu yako ilikuwa bado ya Dhamana, yaani Warranty basi jua dhamana hiyo imevunjika rasmi. Simu janja nyingi za kisasa zinazouzwa zikiwa chini ya dhamana ya mwaka au miaka miwili zikikupa uwezo wa kuzirudisha na kupewa mpya n.k kutoka pale uliponunua huwa dhamana hizo zinafutwa kama simu iliingia maji. Na wameweka teknolojia spesheli (water indicator) ndani ya simu hizo ambapo kama simu au tableti zikilowa huwa wakifungua ndani wanatambua.

Je ushawahi kupoteza simu au tableti yako kwa sababu ya kulowa na maji? Tuambie ulifanya nini?

Endelea kutembelea mtandao wako namba moja kwa habari na maujanja ya kiteknolojia katika lugha ya Kiswahili!

[ Kusoma kuhusu maujanja mengine mbalimbali bofya hapa ->  TeknoKona Maujanja! ]

Facebook Comments

ZINAZOHUSIANA

Sambaza
Share.

About Author

Tunaandika kuhusu sayansi na teknolojia kwa kutumia lugha ya Kiswahili. – Stephen, Mwanzilishi wa TeknokonaDotCom

| mhariri@teknokona.com |

Leave A Reply

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com