Teleprompta: Teknolojia ya kusoma habari katika televisheni na hotuba za viongozi

0
Sambaza

Wakati Matangazo ya Televisheni yalipoanza nchini Tanzania, watu wengi walikuwa wakipatwa na mshangao kwa wasomaji wa Taarifa ya habari namna walivyokuwa wakisoma habari bila ya kuangalia kwenye karatasi.

Wengi hawakujua ni teknolojia gani inayotumika na wengine kuamini watangazaji walikuwa wamekariri.

Wengi walisumbuka kujua nini kilikuwa kikiendelea. Lakini si hao tu hivi karibuni kumetokea tena ubishani unaofanana na huo. Huu ni pale viongozi wa kitaifa wanapohutubia hotuba ndefu na kutoonekana kusoma popote.

Rais wa awamu ya nne Jakaya Mrisho kikwete kwa mara ya kwanza alipohutubia bunge mwaka 2005 hakuonekana kushika karatasi na alitoa hotuba ya karibu saa moja na nusu. Hatua hiyo iliwachanganya wengi akiwemo Mbunge wa Bariadi wa wakati huo John Momose Cheyo.

SOMA PIA:  Fununu Juu Ya 'Mipango' Na Jina La Simu Ya Kwanza Inayotumia Android Kutoka Nokia Itakavyokuwa!

Cheyo alipokuwa anatoa maoni yake kuhusu hotuba ya Rais, mwisho alimsifia kwa kuweza kuzungumza hotuba yote bila ya kusoma sehemu yoyote. Sio Cheyo tu watanzania wengi walimsifia Rais kwa kuzungumza Hotuba ya Dakika 90 bila ya kusoma sehemu yoyote.

Rais wa awamu ya nne Jakaya kikwete akisoma Hotuba kupitia katika Teleprompta

Ukweli ni kwamba Watangazaji wa habari wa televisheni husoma na viongozi wa kitaifa pia husoma hotuba zao.

Nini kinachofanyika? Ni teknolojia ya Teleprompta (Teleprompter)

Teleprompta ni nini?

Ni kifaa maalumu ambacho kinamsaidia mtu kusoma maandishi yanayoonekana katika kioo kilichopo katika kifaa hicho.

Ndani yake huwekwa Programu maalumu inayowezesha kuingia Data zitakazowekwa na kusomwa na muhusika katika kile alichokusudia kusoma.

SOMA PIA:  Bibi wa miaka 81 atengeneza app yake ya kwanza kwa ajili ya iOS

Teleprompta inatumiwa na viongozi wengi, wasanii katika fani ya maigizo hususani wale wenye script ndefu na wasomaji habari katika vituo vya Televisheni. Kwa ufupi inatumika kusoma maandishi kama hotuba, habari nk.

Rais John Magufuri akisoma hotuba kwa kutumia Teleprompta

Kwa upande wa muhusika (anayesoma) yeye anaona maandishi yanapita na kumuwezesha kusoma kilichoandikwa. Ukikaa upande wa watazamaji hauoni hayo maandishi, utaona kioo ni cheupe kisicho na chochote.

Jina la Teleprompta linatokana na Kampuni ya TelePrompTer Corporation ya huko Marekani inayokadiriwa kuanzishwa mwaka 1950 mpaka 1981 na Mfanyabiashara Irving B. Kahn pamoja na wenzake wengine.

Rais wa kwanza wa Marekani kutumia Teleprompta alikuwa ni Dwight Eisenhower mwaka 1954. Kwa Tanzania Rais wa kwanza kutumia alikuwa ni Jakaya Kikwete pale alipohutubia Bunge la Tanzania mwaka 2005.

kamera ya teleprompter Teleprompta

Kamera spesheli zenye mfumo wa Teleprompter, zinatumiwa sana katika vyombo vya habari – hasa hasa kwenye suala la vipindi vya Habari. Mtazamaji anaonekana kama anakuangalia

Mtangazaji wa kituo cha televisheni akisoma habari kwa kutumia Telepromta

Teknolojia ya Teleprompta inapotumika kwa Marais kutoa hotuba zao hutumika mbili. Moja upande wa kulia na nyingine upande wake wa kushoto.

Hufanyika hivi ili iwe rahisi kwa Rais kuangalia pande zote za wasikilizaji wake bila ya kuonekana Rais anatoa hotuba kwa kuangalia upande mmoja wa wasikilizaji.

Teknolojia hiyo imekuwa zaidi kwa sasa mtu anaweza kutumia Tablet/Ipad kusoma hotuba ni kiasi cha kuweka App maalumu.

SOMA PIA:  Apple yatetea uamuzi wake kuondoa App za VPN China

Je kabla ya makala haya ulikuwa unajua ni kitu gani kilikuwa kinatumika kumuwezesha msomaji wa habari wa televisheni kusoma bila ya kutumia karatasi zilizoandikwa?

Na je ulikuwa unajua kipi kilikuwa kinawawezesha viongozi wa mataifa mbalimbali kuhutubia bila ya kusoma popote huku wakitoa takwimu kwa ufasaha bila ya kukosea?

Facebook Comments

ZINAZOHUSIANA

Sambaza
Share.

About Author

Ni mpenzi na mfuatiliaji wa mambo ya Sayansi na Teknolojia.

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com