Viber Wafuata Nyayo Za Apple Na WhatsApp Katika Ulinzi!

0

Makampuni mengi yanyojihusisha na teknolojia siku hizi yanathamini ulinzi na usalama wa taarifa za wateja wake sana. Kwa mfano tumeona kampuni la Apple likipinga maamuzi ya FBI kutaka kufungua moja ya simu yake (iPhone)

Sawa pengine baada ya tukio hilo la iPhone ndio limepelekea mtandao wa WhatsApp kuimarisha ulinzi wa mazungumzo baina ya mtu na mtu (End-To-End Encryption).

Njia hii ya ulinzi na usalama ina uwezo mkubwa wa kuzuia serikali, wadukuzi na watu wengine kuweza kupekua kwa siri taarifa zako za mazungumzo baina yako na mtu mwingine. Kumbuka awali ilikuwa ni rahisi kabisa kujua watu wanazungumza nini katika mitandao yao ya kijamii kwa kuwa teknolojia hii ilikuwa haijaanza tumika sana

Eneo La Ku Chat Ndani Ya Viber

Eneo La Ku Chat Ndani Ya Viber

Sasa Viber nao wameamka na kusema “Hapana Hatuwezi kubaki nyuma” katika teknolojia hii. Kama ilivyo katika mtandao wa kijamii wa WhatsApp. Huduma hii ya ulinzi na usalama itakuwezesha kutuma na kupokea mazungumzo ambayo yana ulinzi wa hali ya juu kabisa.

End-To-End Encryption inapatikana katika toleo la Viber namba 6.0. Kingine kizuri kuhusiana na teknolojia hii ni kwamba hata mtandao wenyewe utakuwa hauna uwezo wa kusoma meseji zako. Yaani kwa mfano ukiwa unatumia teknolojia hii mitandao kama vile VIber na WhatsApp itashindwa soma meseji zinazoenea kupitia mitandao yake.

Wakati unafanya mazungumzo na mtu utaona kimetokea kikufuli chekundu, ukiona hivyo tuu basi jua inamaanisha kwamba mazungumzo yenu yanalindwa

Viber

Viber

Viber imesema kuwa Toleo hili mpaka kufikia muda wa siku mbili litakuwa tayari linapatikana duniani kote. Viber ina watumiaji zaidi ya milioni 700 ambao wanatumia mtandao huo mara kwa mara. Na kwa maboresho haya namba hiyo inaweza ikapanda kwa sababu watu wanapenda usalama

Apple ndio lilikuwa kampuni la kwanza kuja na teknolojia hii na ikafuatiwa na WhatsApp na sasa Viber. Inaonekana kabisa makampuni haya matatu yanajali sana taarifa za watumiaji wake. Lakini tusubiri tuone maana tunaweza tukashangaa makampuni mengine mengi yakajiunga na teknolojia hii

Je wewe ni mtumiaji wa Viber? Niandikie hii umeipokea vipi katika sehemu ya comment hapo chini. Tembelea mtandao wako pendwa wa TeknoKona kila siku kwa maujanja na habari mbalimbali za kiteknolojia.Pia Kumbuka TeknoKona Daima Tupo Nawe Katika Teknolojia!.

Facebook Comments

ZINAZOHUSIANA

Share.

About Author

Mhariri Wa Teknokona Na Mmoja Kati Ya Wafuasi Wa Teknolojia! Tuikuze TeknoKona Wote Basi. Ningependa Kusikia Kutoka Kwako Nitumie Barua Pepe hash@teknokona.com

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com