Periscope sasa kuruhusu video kukaa muda mrefu! #Apps

0
Sambaza

Kama ulikuwa hauijui Periscope basi ni app inayomilikiwa na Twitter ambayo ni mahususi kwa kurusha video za moja kwa moja (LIVE) za watumiaji wa Twitter.

Periscope ni njia ya Twitter kupambana na mitandao mingine kama vile Snapchat Instagram na Facebook ambayo  imejipatia umaarufu kwa video za kurekodi na zile za moja kwa moja.

app ya periscope

Periscope wamefanya mabadiliko katika app yao na sasa wataweza kuruhusu video za watumiaji kukaa mda mrefu baada ya mtumiaji kumaliza kuirusha moja kwa moja, mwanzoni video zilikuwa zinaweza kukaa kwa masaa ishirini na nne tu. Hii haikupendwa sana na wafanyabiashara na watu wa matangazo kwakuwa ilikuwa inapunguza muda ambao watumiaji wangeweza kuiona video hivyo kupunguza muda ambao tangazo linaweza kuangaliwa.

SOMA PIA:  Uwezo wa kuomba kujiunga kwenye video mubashara kwenye Instagram

Periscope ilitengenezwa ili kusaidia Twitter kuwa na ukuwaji wa watumiaji walio hai, hivyo ilikuwa ni lazima pamoja na mambo yote ifanye yale ambayo watumiaji wanayapenda na ni wazi kwamba watumiaji wanataka kuona video wanazoposti zinakaa muda mrefu zaidi ya masaa 24.

airtel tanzania bando

Watumiaji wa mtandao huu  hivi sasa watakuwa na uhuru wa kuchagua kama video zao ziendelee kuwepo baada ya masaaa 24 ama zifutike baada ya masaa ishirini na nne, kama utahitaji video zako za periscope ziendelee kuwepo hata baada ya masaa ishirini na nne itabidi uweke #save popote katika jina la video hiyo.

periscope

Wakati Facebook wamefanikiwa kununua huduma zingine zinazokua kwa kasi, Twitter wanachangamoto kubwa ya kuhakikisha wanatengeneza familia ya apps zenye ukuaji mzuri wa namba ya watumiaji

App hii ya Twitter inaweza kutumika kwa mambo mengi ya kimaendeleo na pia kwaajiri ya kujiburudisha na kwaburudisha washkaji, wapo ambao wanatumia periscope kutangaza biashara zao mfano nguo wapo ambao wanatumia app hii kuendeshea shughuri zao za udalali kwa kuweka video za nyumba za wateja wao zinazopangishwa ama kuuzwa. Ni juu yako kama utaitumiaje app hii ya Periscope ili mradi unayo akaunti ya Twitter basi sio kitu kibaya kujaribu.

SOMA PIA:  Akaunti kumi zenye Followers wengi zaidi Instagram 2016

Twitter ambayo imekuwa katika nyakati ngumu baada ya hisa zake kutokuwa zinafanya vizuri katika soko imekuwa katika jitahada za kila namna za kuongeza watumiaji hai, hii ni karata nyingine ambayo mtandao huu unatupa kwaajiri ya kujaribu kujinusuru na kushindwa vita ya mitandao ya kijamii.

Makala hii imeandikwa kwa msaada wa mtandao wa CNBC na mitandao mingine.

Facebook Comments

ZINAZOHUSIANA

Sambaza
Share.

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com