WhatsApp Bure Sasa, Hakutakuwa na Malipo tena

0
Sambaza

Kikawaida huduma ya WhatsApp ilikuwa ni bure mwaka wa kwanza, na kisha takribani dola moja kwa mwaka baada ya hapo. Kuanzia sasa huduma hiyo itakuwa bure bila malipo yeyote.

Mmoja wa wanzilishi wa WhatsApp, bwana Jan Koum amesema hayo jijini Munich jumatatu hii. Huduma ya WhatsApp iliyonunuliwa na Facebook miaka kadhaa iliyopita kwa muda mrefu haijawa inatengeneza faida na hili ni kutokana na msimamo wa Bwana Jan wa kukataa matangazo katika huduma  hiyo.

Bwana Jan, Mwanzilishi (Founder) wa WhatsApp

Bwana Jan, Mmoja wa Mwanzilishi (Co-Founder) wa WhatsApp

Akiwa katika mkutano unaofahamika kama DLC amesema hawataki watu wapate mawazo ya kwamba siku moja huduma wanayoitegemea watapokonywa kisa tuu wameshindwa kufanya malipo na hasa ukizingatia kuna baadhi ya watumiaji wa huduma hiyo hawana ata akaunti za benki za kimataifa ndani ya mfumo wa VISA au MasterCard.

SOMA PIA:  Instagram yazidi kuiiga Snapchat, yaleta face filters na Hashtags

Baada ya kufanya huduma hii kuwa bure kabisa amesema wataangalia kutengeneza mapato kupitia kutoa huduma hiyo kwa makampuni /biashara ingawa bado hatataka iwe katika mfumo wa kimatangazo. Njia kuu inayoonekana inaweza kutumiwa ni kuwezesha makampuni kuwasiliana na wateja wao kwa urahisi na huduma zingine kama hizo.

airtel tanzania bando

Ikiwa chini ya Facebook WhatsApp inauwezo wa kuendelea kufanya kazi bila kutegemea mapato yeyote ila ni muhimu kuanza kufanyia kazi suala la kuweza kutengeneza huduma itakayowezesha kuwaingizia pesa na wengi wanaona wana nafasi kubwa ya kupata mapato kupitia huduma spesheli kwa makampuni. Tayari WhatsApp kupitia blog yao wamesema huduma mbalimbali zinaweza letwa mwaka huu.

“Watu wanashangaa tutaendesha WhatsApp bila malipo na kama taarifa hii inamaanisha ya kwamba tutaanza kuweka matangazo mbalimbali JIBU ni HAPANA. Kuanzia mwaka huu tutafanya majaribio ya huduma mbalimbali zitakazokuwezesha kutumia WhatsApp kuwasiliana na makampuni na mashirika unayotaka kuwa na mawasiliano nayo.

Hii inaweza maanisha kuwasiliana na benki yako kuhusu matatizo au taarifa za akaunti yako, au kuwasiliana na kampuni ya ndege kuhusu safari…… tayari kuna njia zingine kama SMS na kupiga simu zinatumika kwa sasa, ila tutajaribu jinsi ya kurahisisha mawasiliano haya kupitia WhatsApp huku tukifanya hivyo bila kuleta matangazo n.k. “- WHATSAPP

Kama umelipia WhatsApp hivi karibuni fahamu hawatarudisha pesa, na inategemewa taratibu kupitia masasisho (updates) sehemu kuhusu malipo katika app hiyo itaondolewa.

SOMA PIA:  Saudi Arabia yaondosha marufuku ya kupiga simu za Skype, WhatsApp na Viber

Je una maoni gani juu ya habari hii? Kumbuka kuungana nasi katika mitandao ya kijamii na endelea kusambaza makala kwa ndugu na marafiki.

Chanzo: ReCode

Facebook Comments

ZINAZOHUSIANA

Sambaza
Share.

About Author

Tunaandika kuhusu sayansi na teknolojia kwa kutumia lugha ya Kiswahili. – Stephen, Mwanzilishi wa TeknokonaDotCom

| mhariri@teknokona.com |

Leave A Reply

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com