Windows 10 inatumika kwenye zaidi ya Asilimia 14 ya Kompyuta Duniani Kote

0
Sambaza

Data zinazoonesha hali ya utumiaji wa programu endeshaji (OS) kwenye kompyuta duniani kote unaonesha programu endeshaji ya Windows 10 inatumika kwenye zaidi ya Asilimia 14 ya kompyuta zinazotumika kwa sasa.

Shirika la NetMarketShare linaloaminika sana katika utoaji wa takwimu na data zinazohusu utumiaji wa huduma za kimitandao na teknolojia kwa ujumla unaonesha kufikia mwezi wa nne mwaka toleo la Windows 10 limefanikiwa kushika nafasi ya pili kama programu endeshaji iliyokwenye kompyuta nyingi zaidi.

SOMA PIA:  Rudisha mafaili yaliyojificha kwenye memori kadi yako!

Windows_10_start_menu_tanzania

Namba moja bado ni Windows 7 ikiwa na asilimia 48.79, huku Windows 10 ikiwa na asilimia 14.35. Ukuaji wa Windows 10 unaonekana kuathiri zaidi Windows XP na Windows 7.

Data za mwezi wa tatu zilionesha Windows 7 ilikuwa kwenye asilimia 51.89, na kwa mwezi wa nne asilimia hizo zimeshuka hadi kufikia 48.79.

Windows 10 inatumika kwenye zaidi ya Asilimia 14

Data kutoka Microsoft za mwishoni wa mwezi wa tatu zilisema programu endeshaji hiyo tayari ipo katika vifaa zaidi ya milioni 270 – ingawa data zao hazikuonesha tofauti ya idadi kwa kompyuta na simu zao zinazotumia Windows 10.

SOMA PIA:  Microsoft kuachisha Programu ya Paint katika Windows 10

Data hizo zinaonesha utumiaji wa programu endeshaji zingine kama vile za Linux bado upo mdogo. Ata programu endeshaji ya Mac OS X inayotumika katika kompyuta za Apple (Mac & MacBooks) bado ni mdogo pale ukilinganisha na za familia ya Windows.

Je wewe unatumia programu endeshaji gani kwa sasa kwenye kompyuta unayotumia? Unamtazamo gani juu ya Windows 10?

Facebook Comments

ZINAZOHUSIANA

Sambaza
Share.

About Author

Tunaandika kuhusu sayansi na teknolojia kwa kutumia lugha ya Kiswahili. - Stephen, Mwanzilishi wa TeknokonaDotCom | mhariri@teknokona.com |

Comments are closed.

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com