YouTube Waleta Video za ‘Virtual Reality’: Sasa Tazama Video kwa Nyuzi 360

1
Sambaza

Ukiwa unatazama video katika kioo cha Simu, Tablet au Kompyuta yako kwa kawaida  huwa unaona upande mmoja tu, upande ambao kamera inamulika. Kwa kawaida pia ni vigumu, na mwanzo haikuwezekana kabisa kutazama upande wa nyuma ya kamera. Utaona upande ambao kamera itataka wewe utazame tu.

Mfumo huu utamwezesha mtazamaji kutazama video zilizorekodiwa kwa kutumia kamera maalum kwa ajili ya kupata picha za VR

Lakini si kitu tena. Sasa, kupitia mfumo mpya wa kurekodi na kucheza video uliopewa jina la ‘Virtual Reality’, sasa unaweza kutazama video kutokea upande wowote uliopo, wakati wowote.

SOMA PIA:  Maboresho: WhatsApp kuleta Albamu na meseji za kufutika.

YouTube wametangaza maboresho ya aina mbili kwa ajili ya App yake ya Android kwa kuiwezesha kupanua matumizi ya video halisi, katika kuendeleza teknolojia mpya ya ulimwengu wa utazamaji.

airtel tanzania bando

VR zinampa mtazamaji uzoefu unaofanana kabisa na kuwepo eneo la tukio, ambapo kwa kawaida mtu huweza kugeuza shingo kutazama ama kulia au kushoto, juu au chini na sasa ukiwa na VR, utaweza kufanya hayo yote.

JUMP_WT_660_WHT

Jinsi mtumiaji anavyoona wakati wa kutazama VR kwa kutumia simu au VR Carboard

Ili kuweza kutazama video hizi kwa sasa, mtazamaji anaweza kutumia App ya YouTube ya simu za Android, au kutumia kisakuzi cha Google Chrome kwenye kompyuta yake. Kwa watumiaji wa IOS na visakuzi kama Internet Explorer au Mozilla Firefox, huduma hiyo italetwa siku chache zijazo, Google wameeleza.

SOMA PIA:  Namna ya kuzima 'Automatic update' kwenye Windows 10

Kutazama video hizo, watumiaji watatakiwa kufungua video ambazo zimerekodiwa katika mfumo wa nyuzi 360 (VR Mode), na kubonyeza kitufe cha VR ili kutazama kwa kuchagua vielekezi vilivyowekwa katika kioo cha simu zao.

Video za VR huchukuliwa kwa kutumia kamera maalum zinazoweza kunasa picha kutoka upande wowote wa nyuzi 360

Video za VR huchukuliwa kwa kutumia kamera maalum zinazoweza kunasa picha kutoka upande wowote wa nyuzi 360

Mtumiaji pia anaweza kutumia kifaa maalum kinachoitwa ‘VR Cardboard’ kinachokuwezesha kutazama video hizo kutoka upande wowote atakaotaka kujivinjari. VR Cardboard zinapatikana kwa gharama za kati ya $5 na $50.

Virtual reality cardboard. hutumika kuweka simu yako, unavaa kichwani na kuweza kuzoea mazingira ya VR

Virtual reality cardboard. hutumika kuweka simu yako, unavaa kichwani na kuweza kuzoea mazingira ya VR

Kwa kufanya hivi, mtazamaji anaweza akapata uzoefu wa kutazama filamu kupitia miwani zenye mfumo maalum wa 3D. VR ni teknolojia iliyotazamiwa zamani kutolewa baada ya mfumo wa 3D, na sasa wamefanya hivyo.

SOMA PIA:  TTCL waachana rasmi na teknolojia ya CDMA, sasa ni 3G na 4G tuu

Unaweza kutazama mfano wa video hizi kwa kubonyeza hapa au tazama filamu ya The Hunger Games VR Mode kupitia App yako ya simu au bonyeza hapa .

Chazo cha Makala haya ni mtandao wa Reuters, Youtube Liveblog, na TheNextHome.

Facebook Comments

ZINAZOHUSIANA

Sambaza
Share.

About Author

1 Comment

  1. Pingback: YouTube Waleta Video za ‘Virtual Reality': Sasa Tazama Video kwa Nyuzi 360 | Teknolojia

Leave A Reply

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com