Kampuni moja kutoka nchini Japan inayofahamika kama Asahi Power Service Company wametengeneza mwamvuli ambao hautokuwa na haja ya kuushika kwa mkono kukukinga na Jua au mvua.
Mwamvuli huo unaofahamika kama ‘Free Parasol‘ utakuwa unatumia akili bandia ya kompyuta (AI) kuweza kupaa usawa wa kichwa cha mtu huku akiwa anatembea ukimkinga na Jua au mvua kulingana na hali ya hewa ilivyo.
Bidhaa hiyo inategemewa kuingia sokoni mwaka 2019 kwa kuuzwa $275 (sawa na Tsh. 629,915) na mtu atakuwa na uwezo wa kutembea nao kwa saa moja kabla ya kuchajiwa tena.
Free parasol una upana wa inchi 59 lakini bado haijaelezwa wazi namna uatakavoweza kuhimili nguvu na ukubwa wa mvua wakati wa kutimiza majukumu yake.