Mimicker Alarm: Microsoft Waja na App Matata ya Kukuamsha Asubuhi, ni App itakayokusumbua hadi uamke!

0
Sambaza

Microsoft wamekuja na apps kadhaa kwa ajili ya android na sasa wamekuja na app ya kengere (alarm), Mimicker Alarm, isiyonyamaza hadi ufanye mambo kadhaa.

Kuna apps nyingi sana za alarm kwa ajili ya watu wenye usingizi mzito, yaani wagumu kuamka. Unaweza kusoma makala yetu ya muda kidogo kuhusu apps za alarm bora zaidi lakini kwa sasa tunaamini ata app hii inastahili kuwa kwenye orodha hiyo.

Kupitia programu yao ifahamikayo kwa jina la Garage ndio wazo na utengenezaji wa app hiyo ulikuja.

Garage ni programu inayowapa wafanyakazi wa kampuni hiyo nafasi ya kukutana pamoja na kufanikisha mawazo mbalimbali kuwa mradi kamili na kufanyiwa kazi.

mimicker_alarm_app_msemo

Zoezi la kusoma (kutamka) sentensi kwa umakini bila kukosea

App hii itahakikisha unaaamka kupitia wewe kushiriki katika uchezaji wa gemu. Unaweza kuchagua aina ya mchezo unaotaka kucheza wakati wa kuamka wakati unapoweka alarm.

SOMA PIA:  Kampuni Ya Twitter Inaifanyia Majaribio Twitter Lite! #Android

Michezo hiyo ni pamoja na;

  • Kuonesha kitu na wewe kutakiwa kupiga picha kitu chochote karibu yako chenye rangi kama hiyo. App hiyo kupitia teknolojia ya utambuaji itatambua kama rangi hiyo ni sahihi, na kama si sahihi basi alarm hiyo itaendelea kuita.
  • Piga picha ya selfie. Chaguo lingine litakuwa ni kukuitaji wewe kupiga picha ya selfie katika ‘pozi’ flani, mfano tabasamu n.k
  • ‘Tongue twister’ – utapewa sentensi ngumu kidogo kutamka na utatakiwa kuzitamka kwa usahihi.
mimicker app

Ukiamshwa na app ya Mimicker utakutana na zoezi tamu la kuhakikisha umeamka kweli kweli

Mpangilio (setting) wa nyongeza ni pamoja na kuchagua ata baada ya kupitia zoezi (mchezo) lolote hapo juu lazima utume matokeo yake kwa marafiki kupitia mitandao ya kijamii na kama utafanya hivyo alarm itaita tena kama kawaida.

SOMA PIA:  Pixelbook: Kompyuta ya kwanza kutoka Google yenye 'Kisaidizi binafsi'

Kwa sasa app hiyo inapatikana kwa watumiaji wa Android, app nzima inachukua takribani MB 21 na inaweza kupakuliwa kwa simu zenye Android 4.1 KitKat na kuendelea. Toleo la iOS lipo njiani.

Tuambie maoni yako, je unadhani ni app muhimu kwa watu wengi?

Pakua – Mimicker Alarm | Google Play

Facebook Comments

ZINAZOHUSIANA

Sambaza
Share.

About Author

Tunaandika kuhusu sayansi na teknolojia kwa kutumia lugha ya Kiswahili. - Stephen, Mwanzilishi wa TeknokonaDotCom | mhariri@teknokona.com |

Leave A Reply

error: Hakimiliki @Teknokona!! Wasiliana nasi kuweza kupata ruhusa ya kutumia mhariri@teknokona.com